भांगरभूंय | प्रतिनिधी
बांगलादेशान अफगाणिस्ताना आड 14 जून सावन सुरू जावपी एकोडे टॅस्ट मॅची खातीर 15 वांगड्यांच्या पंगडाची घोशणा केली. निवड समितीन लिटन दासाक मुखेलीची जापसालदारकी दिल्या.
विकेटकीपर बॅट्समन लिटन दास चार वन डे मॅचींनी बांगलादेशाच्या पंगडाचें फुडारपण केलां. पूण, टॅस्टींत तो पयले खेपे मुखेलपद सांबाळटलो. बांगलादेशाचो सदचो मुखेली शाकिब अल हसन जखमी आसा. आयर्लेण्डा आडचे टॅस्ट माळे वेळार ताच्या बोटाक दुखापत जाल्ली. ताका लागून फाटल्या स सप्तका सावन पंगडांतल्यान भायर आसा.
फास्ट बॉलर तस्कीन अहमद सायड स्ट्रेन दुखापतींतल्यान पुर्ण बरो जाल्या उपरांत पंगडांत पुनरागमन केलां. तशेंच युवा बॅट्समन शहादत हुसैन आनी बॉलर मुश्फिक हसन हांकां लेगीत पंगडांत सुवात मेळ्ळ्या. दोगांयनी अजून मेरेन बांगलादेशा वतीन एकूय मॅच खेळूंक ना.
पंगड असोः लिटन दास (मुखेली), तमीम इक्बाल, झाकिर हसन, नजमूल हुसैन शांतो, मोमिनुल हक, मुशफिकर रहीम, मेहदी हसन मिराज, तैजुल इस्लाम, सैय्यद खालिद अहमद, एबादत हुसैन, तस्किन अहमद, शोरिफुल इस्लाम, महमुदुल हसन जॉय, शहादत हुसैन आनी मुश्फिक हसन.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
