भांगरभूंय | प्रतिनिधी
भांगरभूंय । प्रतिनिधी
मुरगांवः मुरगांव पत्रकार लेखक संघान शालेंय विद्यार्थ्यां खातीर बायणा दर्या वेळेर आयोजीत केल्ले रेंव शिल्प सर्तींत सिनियर पंगडांत गायत्री वायंगणकार हिणे पयलें, संचय नायकान दुसरें आनी हर्ष केरकारान तिसरें इनाम मेळयलें. ज्युनियर पंगडांत शर्वाणी नायक, आश्विन मांद्रेकार आनी बाळकृष्ण घोंगे हांका पयलीं तीन इनामां मेळ्ळी. साक्षी मांद्रेकार आनी कनक नायक हांका उमेद वाडोवपी इनामां फावो जालीं.
मुरगांवचो आमदार संकल्प आमोणकार हाचें हस्तुकीं जैतिवंतांक इनामां भेटयलीं. मुरगांव पत्रकार लेखक संघ बरे उपक्रम चालीक लायता अशें ताणे सांगलें. माचयेर लेखक संघाचो अध्यक्ष सुनील शेट, सरचिटणीस प्रदीप नायक, नागोवाचो पंच अॅड दिलेश्वर नायक, संतोष खोर्जुवेकार, बॅनार्ड वेल्हो आशिल्ले. सुनील शेट हाणे येवकार दिवंन प्रास्तावीक केलं. संतोष खोर्जुवेकारान उपकार मानले आनी मिलिंद काकोडकारान सूत्रसंचालन केलें. शेखर कळंगुटकार, भरत तळणकार, अनंत मांजेरकार, जगदीश दुर्भाटकार ह्या वेळार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
