भांगरभूंय | प्रतिनिधी
भांगरभूंय । प्रतिनिधी
सावयवेरेंः सावयवेरेंच्या शांतादुर्गा बाल स्पोर्ट्स क्लबान वेरे- वाघुर्मे आनी वळवय पंचायत पांवड्यार आयोजीत केल्ली एकोडी बॅडमिंटन सर्त सातेरी देवळा कडल्या कोर्टार हालींच जाली. 13 वर्सा पिराये सकल आनी ताचे वयल्या सर्तकां खातीर ही सर्त तीन गटांत घेतिल्ली.
अंडर-13 चल्यांच्या पंगडातं आदित्य शेट जैतिवंत आनी वेद शेट वेरेराक उपजैतिवंत थारलो. ध्रूव आमोणकार आनी राजय नायक उपांत्य फेरयेंत हारले. 13 वर्सा वयल्या चल्यांच्या गटांत शिवम शेट जैतिवंत आनी पुष्कराज कामत उपजैतिवंत थारलो. शंतनू सांवत आनी देवांश फर्जंद हे उपांत्य फेरयेंत हारले.
चलयांच्या गटांत खुशी पालकार जैतिवंत आनी आर्या वेरेकार उपजैतिवंत थारलें. आयुषी वेरकार आनी गायत्री पालकाराक उपांत्य मॅचीत हार खावची पडली. इमान भेटवण कार्यावळीक थळावो पंच वांगडी अक्षय नायक, अनिकेत नायक, संदेश सावयकार आनी ऋषभ शेट हाजीर आशिल्ले. सूत्रनिवेदन करून गीतेश वेरेकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
