भांगरभूंय | प्रतिनिधी
भांगरभूंय । प्रतिनिधी
सावयवेरेंः सावय हांगच्या दीपक क्लबान आयोजीत केल्ल्या गोंय पांवड्या वयल्या आमदार करंड फ्लटलायट टॅनीस बॉल क्रिकेट सर्तींत सावयवेऱ्यांचे मदनंत क्रिकेटर्सांक वस्तादपण फावो जालें. तांणी फायनलींत महारूद्र रायझींग स्टार, कुर्टी पंगडाक हारयलें.
फायनलींत प्रवेश करतना ह्या पंगडांनी कियान वॉरियर्स, सावय आनी ट्रॉफी फायटर, वाठादेव दिवचलच्या पंगडांक हारयल्लें. सर्तींतलो मॅन ऑफ दी सिरीज म्हणून यतीन नायक ( मदनंत), बॅट्समन म्हणून – सुशांत ( कुर्टी) , बॉलर म्हणून दीप्तेश पालाकर ( मदनंत ) , मॅन ऑफ दी मॅच – परेश खेडेकार ( मदनंत हांका वैयक्तीक इनामां मेळ्ळी.
इनाम भेटवण कार्यावळीक वळवयचो सरपंच विनायक वेंगुर्लेकार, हिरू नायक, सुशांत नायक, क्लबाचो अध्यक्ष चंदन नायक हाजीर आशिल्ले. सूत्रनिवेदन शेखर नायकान केलें आनी कमलाकांत नायकान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
