भांगरभूंय | प्रतिनिधी
खबरां संस्था
नवी दिल्लीः संवसारांत जायते तरेचे हजारांनी खेळ जातात. क्रिकेट, फुटबॉल, व्हॉलिबॉल, बँडमिंटन, बेसबॉल सारके खेळ आमकां खबर आसात. मात स्वीडनाना आतां संवसारा सामकार आनीक एका खेळाची घोशणा केल्या. ह्या देशान सेक्साक एक खेळ म्हणून सामकार हाडलां. स्वीडना कडेन युरोपियन सेक्स चॅम्पियनशीपीचें येजमानपद आसा.
स्वीडनात कांय दिसां आदीं सेक्साक एक खेळ म्हणून मान्यताय दिल्ली. युरोपियन सेक्स चॅम्पियनशीपचें आयोजन 8 जूना सावन जातलें. तातूंत 20 देशांनी वांटो घेवपा खातीर नोंदणी केल्या. जायते सप्तकां चलपी हे चॅम्पियनशीपींत वांटेकार जातल्यांक देर दिसा 6 वरा प्रतिस्पर्धा करची पडटा. खेळगड्यां कडेन 45 मिनटांचो वेळ आसतलो आनी तेन्ना ते मॅची खातीर स्वताक तयार करपाक शकतले.
युरोपियन सेक्स चॅम्पियनशीपींत वट्ट 16 तरेच्यो सर्ती जातल्यो. हातूंत मोस्ट अॅक्टीव्ह कपल, सेडक्शन, मसाज ह्या गजालींचो आसपाव आसा. दरेक सर्तींतलो जैतिवंत कोण हो निर्णय 3 ज्युरी आनी हाजीर आशिल्ल्या प्रेक्षकांच्या मताचेर थारयतले. जैतिवंत थारायतना ज्युरींचो निर्णय 30 आनी प्रेक्षकांचो निर्णय 70 टक्के विचारांत घेतले. दोनूय मतांती मोलावणी करून त्या आदारान जैतिवंत थारायतले.
स्वीडिश फेडरेशन ऑफ सेक्साचो अध्यक्ष ड्रॅगन ब्राटिक हांच्या मतान सेक्साक एक खेळ अशी मान्यताय दिल्ल्यान लोकांची मानसीक आनी शारिरीक भलायकी बरी उरपाक उर्बां मेळटली. ह्या शिवाय निषिद्ध मानिल्ल्या सेक्साविशीं लोकांच्या मतांत उदारता येवपाक शकतली. हे सर्तींत नक्की खंयचे देश वांटेकार जाल्यात ताचो तपशील अजून सामकार आयलो ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
