भांगरभूंय | प्रतिनिधी
फोंडें: सुकतळी- मोल्यां पॅट्रॉल पंपाच्या मुखा वयल्या रस्त्याचेर जाल्ल्या दोन मोटारींच्या अपघातांत चार जाण जखमी जाले.
हो अपघात आयतारा सकाळीं 11.45 वरांच्या सुमाराक जालो. अपघातांतले जखी ज्युलियो मिसा आनी नारून मिसा (गोंय) हांकां उपचारा खातीर गोमॅकाँत दाखल केल्यात जाल्यार नागराज आनी मंजुनाथ (कर्नाटक) हांकां उपचार करून घरा धाडले.
पुलिसांनी दिल्ले म्हायती प्रमाण केए 25 झॅड 7555 नंबराची मोटार मोलेंच्यान पणजे वताली. सुकतळीच्या पॅट्रोल पंपा लागसारच्या रस्त्याचेर ओव्हरटेक करतना मुखा वयल्यान आयिल्ले जीए 07 सी 8701 मोटारीक धपको मारलो. कुळें पुलिसांनी अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
