भांगरभूंय | प्रतिनिधी
दिवचल: गोमंतकांतल्या श्री ज्ञानेश्वर माऊली वारकरी संप्रदाय – गोंय (मेणकुर्यां)चे अध्यक्ष देवानंद महाराज नायक हांकां श्री विठ्ठल रुक्मिणी संस्थान, मांजरी, ता. चिकोडी, जिल्हो बेळगांव वतीन श्री बिसले महाराज भक्तीभूषण तेरावो पुरस्कार जाहीर केलो.
श्री विठ्ठल रुक्मिणी संस्थान-मांजरी, ता. चिकोडी आयोजीत श्री सद्गुरु बाबाजी बिसले महाराज शतकोत्तर 109 वे पुण्यस्मरण श्री विठ्ठल रुक्मिणी आनी सद्गुरु बाबाजी बिसले महाराज मुर्ती प्राण प्रतिश्ठापनेच्या पयल्या वर्धापन दिसा निमतान सोमार ता. 5 जून ते मंगळार ता. 6 जून 2023 मेरेन विवीध कार्यावळींचें आयोजन केलां.
सोमार ता. 5 जुनाक सकाळीं 7 ते 8 वरां मेरेन अभिशेक आनी हेर धर्मीक विधी जातल्यो, सांजेवेळार 4 वरांचेर देवानंद नायक – गोंय (मेणकुरें) हांचे हस्तुकीं बावटो हुबयतले. तशेंच बाबुराव कुलकर्णी (उगार) हांचे हस्तुकीं ग्रंथ पुजन, नाथाजी जाधव (गोकुळ टायर, अंकली) हांचे हस्तुकीं पुजाविधी, उपरांत उपाध्याय आनी विणा पूजन जातलें. 4.30 ते 6 वरां मजगतीं पुरस्कार भेटयतले. ह्या वेळार गुरुवर्य बाबासायब महाराज बिसले (मांजरी) हांच्या अमृत हस्तुकीं गोंयच्या देवानंद दत्ताराम नाईक (मेणकुरें) हांकां श्री बिसले महाराज भक्तीभूषण पुरस्कार भेटयतले. रातचें विवीध किर्तनकारांचें सुश्राव्य किर्तन जातलें.
ह्या पुरस्कारा खातीर वारकरी देवानंद नायक हांची सगळ्या मळांचेर तोखणाय जातना दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
