गोंयची कुणबी साडी ही गोंयचे संस्कृतीचें एक आंग. कुणबी साडयेक खूब पोरणो इतिहास आसा. पुर्तुगीज आयले उपरांत नव्या डिझायनाच्यो साडयो आनी हेर कपडे गोंयांत आयले. कुणबी साडी चड करून शेतांनी वचपी कुणबी आनी गावडा जमातींतलीं बायलां न्हेसतालीं. धोंपरा मेरेन न्हेशिल्ले हे साडयेंत दिसपट्टो वावर करपाक सोंपेपण मेळटालें. कुणबी साडयेचें धर्मीक म्हत्व आनी समाजीत मान्यताय व्हड आशिल्ली. पूण गोंयांत हातमाग नाशिल्ल्यान ही साडी इल्ली इल्ली इतिहास जमा जायत वता. ताका पुनर्जिवीत करचे खातीर सरकारी येवजणे खाला पाटो पणजेच्या कला आनी संस्कृती भवनांत हातमाग आनी हस्तकला प्रशिक्षण शिबीर आयोजीत केल्लें. ह्या शिबिरांत गोंयच्या साबार विदयार्थ्यांनी वांटो घेतिल्लो. कुणबी साडी विणपाचें प्रशिक्षण घेतना ह्या शिबिरांतली एक शिबिरार्थी.