भांगरभूंय | प्रतिनिधी
दिवचल: गजर किर्तनाचो सुवाळो श्री माऊली मंदीर सभाघर मेणकुर्यां विष्णू गवस (पेडणें-गोंय) हांचे वतीन हालींच जालो.
कार्यावळीचे संकल्पने विशीं तशेंच प्रस्तावनेचेर उलयतना निलेश धर्मा नायक हांणी संतवाणी आनी लेखक हांचे म्हत्व, श्री माऊली नांवाचो महिमा, वारकरी संप्रदाय मदली सुभाशीत, फाटलीं चार दसकां केल्लीं गीतां उगडास करून दिलीं, गोंयचे भायली मानसिकताय उदाहरण दिवन स्पश्ट केली. श्री विठ्ठल आनी संतवाणी एकाच दिसान संक्षिप्त सांगपा सरको विशय आशिल्ल्यान तो संदर्भ ग्रंथ म्हणून महाराष्ट्र शिक्षण संस्थेंत दवरला. अभंगाचें निरूपण समजपा खातीर किर्तन सारकिल्ले कार्यावळीची गरज आसा.
श्री प्रशांत धर्मा नायक हांणी सगळ्यांक फुलांचो तुरो भेटोवन येवकार दिलो. कार्यावळीचे आयोजक धर्मा दत्ताराम नायक आनी परिवार आशिल्लो. हेर वांगडी कलाकारांनी तबल्यार विठ्ठल मेस्त्री, पेटयेर प्रसाद गोसावी आनी हेरांनी साथ दिली. श्री माऊली डेकोरेशन, प्रथमेश नायक हांणी आवाजाची बाजू उत्कृश्ठ तरेन सांबाळ्ळी.
विष्णू गवस हांची वळख नितीन धर्मा नायक हांणी करून दिली. कार्यावळीचें सुत्रसंचालन आनी उपकार प्रदर्शन निरा नितीन नायक आनी पुर्वी निलेश नायक हांणी केलें.
उपकाराच्या उलोवपान आनी देवीचे आरतीन कार्यावळीची सांगाता जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
