भांगरभूंय | प्रतिनिधी
भांगरभूंय । प्रतिनिधी
फोंडेंः आडपय- दुर्भाट पंचायत मंडळाच्या सरपंचपदार चंदन नायक हाची शुक्राराक बिनविरोध निवड केली. कांय दिसां आदीं क्षिप्रा आडपयकार हिचे आड अविस्वास थाराव हाडून तिका सरपंचपदा वयल्यान काडून उडयल्या उपरांत हें पद रिकामें जाल्लें.
सरपंच वेंचून काडपा खातीर आपयल्ले पंचायत मंडळाचे खाशेले बसकेंत सरपंचपदा खातीर चंदन नायक हाचोच उमेदवारी अर्ज आयिल्ल्यान निर्वाचन अधिकाऱ्यांन ताची बिनविरोध निवड जाल्ल्याचें जाहीर केलें. ते उपरांत चंदन नायक आनी हेर पंच वांगड्यांनी मडकयचो आमदार आनी वीज मंत्री सुदिन ढवळीकार हाची भेट घेतली.
पंच वांगड्यांनी आपल्याचेर विस्वास दाखोवन सरपंच म्हणून म्हजी निवड केल्या. पंचायत वाठारांतल्या उदगत करपा कडेन आपूण लक्ष दितलों अशें चंदन नायक हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
