भांगरभूंय | प्रतिनिधी
दिवचल: राज्यांतले गांवगिर्या वाठारांतल्या नाट्य कलाकारांक ह्या मळावेलें मोलादीक थीक मानतात. राज्यात वर्सभर हजारांनी नाटकां जायत आसतात. थळावीं तरणाटीं एकठांय येवन दर्जेदार नाट्य कलाकृती निर्माण करतना दिसता. हाचें पुराय श्रेय बालभवन शिक्षकांक आनी आधुनिकीकरण शिक्षणाक वता.
आयज सोशल मिडियाचेर हजारांनी शिक्षणाचीं दालनां उपलब्ध जाल्यांत. ताका लागून गंवगिर्या वाठारांतलीं भुरगीं दर्जेदार कलाकृती निर्माण करतना दिसतात. वेळगें सुर्लाच्या तरणाट्यांनी ‘मोगाचें खातें जालें रितें’ ह्या नाटकाची निर्मिती करून धा कलाकार आशिल्ल्या ह्या नाटकांत चार बायलांचीं पात्रां आशिल्ल्यान ह्या नाटकाचे प्रयोग विवीध सुवातांचेर येसस्वीपणान मनयल्ल्यान सगळ्या कलाकारांक परबीं भेटयलीं.
दिवचल, सत्तरी ह्या म्हालांत विवीध सुवातांचेर ह्या नाटकाक मागणी आशिल्ल्यान येवपी गणेशोत्सवांतूय संद मेळ्ळ्यार नाट्य प्रयोग सादर करतले अशें ह्या नाटकांतल्या कलाकारांनी म्हणलें.
ह्या नाटकाचे लेखक हर्ष सातोडकार आनी दिग्दर्शक कनक सातोडकार/ गोविंद नायक जावन आसात. आवाजाचें संयोजन कौशल सातोडकार, तशेंच नांदी, संगीत अनिल पिळगांवकार हांचें आसा. उजवाडाची येवजण सिध्देश सातोडकार, रंगमाची वेवस्थापन दत्त सातेरी रंगमंच, भामई – उसगांव हांचें जावन आसा. ह्या नाटकांत निप्तेश नायक, कनक सातोडकार, हर्ष सातोडकार, कृपेक्षा सातोडकार, तन्मय नायक, साईशा सातोडकार, दैवीक घाडी, शिवम सातोडकार, तन्मय नायक, कनक सातोडकार हांणी भुमिका केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
