भांगरभूंय | प्रतिनिधी
विद्यार्थ्यांनी बरी उत्कृश्ट कामगिरी केल्ल्या गोंयांतल्या धावे, बारावेच्या निकाला विशीं आर एन शेट्टी पॉलिटेक्निकाचे प्राचार्य गिरीश पर्वतमठ हांणी समाधान उक्तायलां. तांणी सांगलें, अभियांत्रिकी डिप्लोमा घेवपाची इत्सा आशिल्ल्या गोंयच्या विद्यार्थ्यां खातीर पॉलिटेक्निकांतल्यान खाशेली शिश्यवृत्ती दितले. तेच भाशेन वर्सुकी परिक्षे खातीर आतां कन्नड परिक्षा सक्ती ना. 1986 वर्सा स्थापन जाल्ल्या आर एन शेट्टी पॉलिटेक्निका विशीं ते म्हायती दिताले.
आर एन शेट्टी पॉलिटेक्निक ही उत्कृश्टताये खातीर नांव जाल्ली संस्था. साबार कडेन ती विकासाच्या मार्गाचेर मुखार वचत आसा. फाटल्या 30 वर्सां सावन दर्जेदार तांत्रिकी शिक्षण दिता. सुरवेक सावन ही संस्था समतावादी पद्दतीचें प्रतीक जाल्या. आपल्या विद्यार्थ्यांक आदर्श मुल्यां आशिल्ले संवेदनशील नागरिक म्हणून तयार करप आनी तांणी आपली कारकीर्द शक्य तितली वयर उबारपा खातीर, ताका तांणी वेंचून काडिलल्या मळार मुखार वचपाक ताका सगली मजत करप, हें संस्था आपलें कर्तव्य मानता, अशें प्रा. पर्वथमठ हांणी स्पश्ट केलें.
संवसारीक दर्जाचें शिक्षण हांगा मेळटा. आमी नवनिर्माण, शिकप आनी संशोधनाक प्राधान्य दितात. विद्यार्थ्यांक स्वताचे मार्ग सोदून काडपाक प्रोत्साहन दितात, नवनिर्माणा खातीर प्रेरणा दितात, अशेंय तांणी सांगलें.
गोंयच्या विद्यार्थ्यांची तांणी तोखणाय केली. ते संस्कृत, हुशार आसात. जायते गोंयकार विद्यार्थी आमचे कॉलेजींत शिकतात. आमची संस्था म्हणल्यार ‘मिनी गोंयू’च जालां अशें प्रा. पर्वतमठ हांणी सांगलें.
आमच्या पॉलिटेक्निकांत फुडले डिप्लोमा आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.