भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुक्यांतल्या 19तल्या 14 विद्यालयांचो 10वेचो निकाल 100 टक्के लागला. आमोणें हांगच्या बलराम निवासी विद्यालयाच्या प्रवणी विनय तुबकी आनी पैंगीण श्रद्धानंद विद्यालयाच्या नितिशा नरेश रेडकार हांणी देरकी 97.7 टक्के गुण मेळयले. बलरामाच्या रिशा गांवकारान 97.2, पणसुलेंच्या कात्यायणी बाणेश्वराच्याआशना महादेव देसायान 96.33 टक्के गुण मेळयले. काणकोण केंद्राचो निकाल 98.66 टक्के लागला. परिक्षेक बशिल्ल्या 672 विद्यार्थ्यांतले 663 विद्यार्थी पास जाले. वर्सावळी प्रमाण चलयांचो निकाल बरो लागलो.
काणकोणांत 13 खाजगी आनी 6 सरकारी विद्यालयां आसात. 100 टक्के निकाल लागिल्ल्यां मदीं चार रस्ते- काणकोणच्या श्री मल्लिकार्जुन विद्यालय, निराकार विद्यालय- माशें, दामोदर विद्यालय-लोलयें, श्रद्धानंद विद्यालय- पैंगीण, सरकारी विद्यालय- आगोंद, सेंट सेबेस्त्यांव हायस्कूल- लोलयें, सेंट अँथनी हायस्कूल- गालजीबाग, सरकारी माध्यमीक विद्यालय- गांवडोंगरी, सरकारी माध्यमीक विद्यालय- गवळ खोला, सरकारी विद्यालय- खोतीगांव, तुडल हायस्कूल- गांवडोंगरी, बलराम निवासी शाळा- आमोणे, गुरुकूल हायस्कूल- माटवे-खोला आनी बलराम डेकॅर हायस्कूल- मोखर्ड हांचो आसपाव आसा.
नितिशा रेडकार 97.7 टक्के गुण घेवंन श्रद्धानंद विद्यालयांत पयलें आयलें. यश वासुदेव पै दुसरो (96.5 टक्के), सात्विक नारायण पागी तिसरो (95.8) आयलो. अ तुकडींतल्या परिक्षेंक बशिल्ल्या 29 विद्यार्थ्यांतले 22 विद्यार्थी विशेश श्रेणींत 7 पयले श्रेणीत, ब तुकडीतल्या 17तले 16 विद्यार्थी पयल्या वर्गंत पास जाले.
आमोणेच्या बलराम निवासी शाळेत प्रणवी तुबकी 97.7 टक्के गुण घेवन पयलें आयलें. 62 विद्यार्थ्यांतल्या 40 विद्यार्थ्यांक विशेश श्रेणी, 17 जाण पयल्या वर्गांत पास जाले. चावडी- काणकोणच्या सेंट तेरेझा हायस्कुलांत जान्हवी देसाय 92.5 टक्के गुण घेवन पयलें, कीर्ती नायक (91.16) दुसरे आनी रिया वारीक (87.16) तिसरें आयलें. परिक्षेक बशिल्ल्या 75तले 72 जाण पास जाले. 22 जाणांक विशेश श्रेणी आनी 30 जाणांक पयलो वर्ग मेळ्ळो.
सादोळशेंच्या सरकारी विद्यालयांत यश चंद्रहास पागीन 92.18 टक्के गुण घेवंन पयलो नंबर मेळयलो. 20 विद्यार्थ्यांतल्या 5 जाणांक विशेश श्रेणी आनी 5 जाणांक पयलो वर्ग मेळ्ळो. कात्यायणी बाणेश्वराचो निकाल 96.22 टक्के लागलो. आशना महादेव देसायान 96.33 टक्के गुण घेवंन पयलें आयलें. नेहा रंगनाथ नायक गांवकारान 92.66 टक्केगुण घेवन दुसरें आनी रिद्धवी दिनेश धुरीन 92.33 टक्के गुण घेवन तिसरें आयले.
तुडल हायस्कुलांत सुजल चंद्रकांत गांवकारान 92 टक्के गुण घेवन पयलो नंबर मेळयलो. दीप्तेश गांवकार (87) दुसरो आनी नताशा गांवकार (86) तिसरें आयलें. बलराम डेकॅरात श्रेया दिनकर मेश्री (91.66), मकरंद महेश वेळीप (88.16) आनी रिया उमेश भंडारी (81.67) हांणी पयले तीन नंबर मेळयले. गांवडोंगरी विद्यालयांतल्या 5 विद्यार्थ्यांक विशेश श्रेणी आनी तीन विद्यार्थ्यांक पयलो वर्ग मेळ्ळो. आगोंदा सेंट अॅनीस इन्स्टिट्यूटांत प्रजिता फळदेसाय 95.5 टक्क गुण घेवंन पयलें आयलें. फारेन फर्नाडीस दुसरें आनी रिडस्ने फर्नांडीस तिसरें आयलें. मल्लिकार्जुन विद्यालयांत महेश देसाय 87 टक्क गुण घेवन पयलें आयलेंय ग्रंथा महेश देसाय (81) आनी यश विष्णू चव्हाण (79) तिसरो आयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
