भांगरभूंय | प्रतिनिधी
भांगरभूंय । प्रतिनिधी
मडगांवः दवर्ली हांगची जमीन हडप प्रकरणात मंडगांव पुलिसांनी एका नोटरी सयत पांच जाणांचेर फटवणुकीचो गुन्यांव नोंद केला. ह्या प्रकरणांत सलीम दोड्डामणीचो पुलीस सोद घेतात. दुबावीत राजदीप कुंडयका हाणे केल्लो अटकपूर्व जामीन अर्ज सत्र न्यायालयान भायर मारला जाल्यार महम्मद ललनवार आनी इलियास धलायत हांका सशर्त अटकपूर्व जामीन मंजूर केला.
दवर्ली हांगची महम्मद मुसा हाची जमीन सलीम दोड्डामणी आनी राजदीप कुंडयकारान बोगस पॉवर ऑफ अॅटर्नी तयार करून विकली. मडगांव पुलीस स्टेशनांत तें संबंदी गुन्यांव नोंद केला. जमीन विकती घेवपी महम्मद ललनवार आनी इलियास धलायत हांची नांवां गुन्यावांत आसात. जमीन विकपा खातीर एका मेल्ल्या नोटरीच्या नावांन बोगस कागदपत्रां तयार केल्लीं.
अटक जावपाचे भिरातेन राजदीप कुंडयकार, ललनवार आनी धलायत हांणी अटकपूर्व जामिना खातीर मडगांवच्या दक्षीण गोंय सत्र न्यायालयांत अर्ज केल्ले. न्यायाधीश इर्शाद आगा हांणी राजदीपाचो अर्ज भायर मारलो जाल्यार ललनवार आनी धलायत हांका सशर्त अटकपूर्व जामीन मंजूर केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
