भांगरभूंय | प्रतिनिधी
50 परस चड जाणांनी घेतलो लाव
मुरगांव: जेसीआय वास्को वतीन चिखले ग्रामपंचायतींत आयोजीत फुकट मेगा भलायकी तपासणी शिबिराक बरो प्रतिसाद मेळ्यो. ह्या भलायकी शिबिरांत जनरल फिजिशियन, अॅलोपॅथी, होमिओपॅथी, आयुर्वेद, युरोलॉजिस्ट, ऑर्थोपेडीक, फिजिओथेरपिस्ट हांचो आस्पाव आशिल्लो.
ह्या शिबिरांत ब्रेस्ट कॅन्सर तपासणी शिबीर आनी गोडेंमूत तपासणी शिबिराचोय आस्पाव आशिल्लो. ह्या शिबिराक मंत्री आनी दाबोळी मतदार संघाचे आमदार मावीन गुदिन्हो, उपसरपंच ऐश्वर्या कोरगांवकार, पंच वांगडी पूनम च्यारी, ग्रामपंचायत सचीव अमीत सांखळकार, कम्युनिटी ऑफ चिकलीम अॅटर्नी रेमंड कार्व्हालो हांचें सहकार्य मेळ्ळें.
तशेंच हे शिबीर भाजप मेडिकल सेल कडेन संबंदीत आशिल्ल्यान ताचे वांगडी अध्यक्ष डॉ. शेखर साळकार, भाजप वैजकी कक्ष मुखेली डॉ. धर्मेंद्र प्रभुदेसाय, भाजप मेडिकल सेलचे कार्यकारिणी वांगडी, व्हिक्टर हॉस्पिटल आनी कर्मचारी डॉ. मधुजा सावयकार (युरोलॉजिस्ट), डॉ. विकास दधीच (ऑर्थोपॅडीक सर्जन), डॉ. वंशिका सिंग (फिजिओ थेरपिस्ट), डॉ. नजमीन (आरएमओ), सिनियर शाहिदा, सिनियर संजना, बहल निरवेल (वरिश्ठ ग्राहक संबंध कार्यकारी) आनी नागरी भलायकी केंद्र आनी तांचे कर्मचारी डॉ. अनुराधा, डॉ. मारिया, दिपिका हवनूर, टिना इंटरनॅशनल आयुर्वेद फावंडेशन आनी मिस डॉ. क्रिस्टीना रेचेल नोरोन्हा आनी हेरांचें सहकार्य मेळ्ळें.
ह्या भलायकी शिबिराचो 50 परस चड लोकांनी लाव घेतलो. जेसीआय वास्कोचे अध्यक्ष जे. सी. सुशांत वेंगुर्लेंकार हांणी हॉस्पीटल आनी कर्मचारी तशेंच सगळ्या सहकार्यांनी घेतिल्ले मेहनतीची तोखणाय केली.
चिखलेचे ग्रामपंचायत सची अमीत सांखळकार हांणी प्रकल्पाच्या समारोपाचें भाशण केलें आनी समाज आनी सामान्यांच्या बर्या खातीर असलीं शिबिरां चडांत चड राबोवपाची मागणी केली.
सचीव आनी प्रकल्प संचालक अॅड. अनिकेत नायक हांणी उपकार मानले. जेसीआय वास्कोचे वांगडी सुजय राव, तेजस्व नायक, राघवेंद्र सूर्यवंशी, आतिश राठोड, उदय सोळंकी, विजया केर्लुस्कार, क्लिटंन फर्नांडीस आनी कनिश्ठ फर्नांडीस, राज गांवस, बोनी साहिल अवस्थी आनी हेरांनी हे शिबीर येसस्वी करपा खातीर मोलादीक योगदान दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
