भांगरभूंय | प्रतिनिधी
भांगरभूंय । प्रतिनिधी
पेडणेः पेडणे पालिका प्रशासकीय इमारतीच्या पयल्या पांवड्या वयलें बादकाम 8 कोटी रुपये खर्च करून चल्लां. कंत्राटदारच्या घाळपणाक लागून काम पुराय जावपाव कळाव जाता. इमरतीचे कुशीस राखणे वणत बांदपाचे सोडून कंत्राटदारान ती इमारतीक जोडून बांदल्या. फुडाराक हे वटेन सरकारी संकुल इमारत येतली तिका हाचो धोको उप्रासपाची शक्यताय आसा. पेडणेचो आमदार प्रवीण आर्लेकार आनी नगराध्यक्ष सिद्धेश पेडणेकार हांणी ह्या बांदकामाची पळोवणी केली.
पयल्या पांवड्या वयलें काम जे तरेन चालू आसा ते विशीं आर्लेकारान नाराजी उक्तायली. कंत्राटदारान कामाच्या नांवान जें कितें चलयलां तें सारकें न्हय. दिल्ले मुजतींत काम करपाचे सोडून ताका कळाव जाता. इमारतीची राखणे वणत खंय आसा अशें आर्लेकारान जीसूडाच्या अधिकाऱ्यांक विचारलें. इमारत आनी राखणे वणत एकूच आसा अशें तांणी सांगलें तेन्ना आर्लेकारान नाराजी उक्तावन कंत्राटदाराक आपूण जाय त्यो सूचोवण्यो करतलों अशें सांगलें. कंत्राटदारान मनमानी केली आनी जीसूडाचे अधिकारी, आनी पालिका मंडळान ती मानून घेतली. आपूण हे विशीं संबंदीत सरकारी खात्याच्या अधिकाऱ्यां कडेन उलयतलों अशें आर्लेकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
