भांगरभूंय | प्रतिनिधी
भांगरभूंय । प्रतिनिधी
दिवचलः साखळे शारांक नवो साज चडोवपा खातीर आमचें पालिका मंडळ वावुरतलें. नवे प्रकल्प चालीक लावपा खातीर नव्या पालिका मंडळाक सहकार्य करतना साखळेची उदगरत आधुनीक पद्दतीन करतले. पालिकेंत सत्ता नासतना आमी साखळेचो कायापालट केलो आता आमचें पालिका मंडळ आशिल्ल्यान कसलेच आडमेळे येवचे नात अशें मुख्यमंत्री डॉ प्रमोद सावंत हाणे सांगलें
नगराध्यक्ष रश्मी देसाय, उपनगराध्यक्ष आनंद काणेकार तशेंच सगल्या नगरसेवकांनी मुख्यमंत्री डॉ सावंत हांची भेट घेतली. त्या वेळार ताकां परबीं भेटयतना सगळें सहकार्य करपाचें उतर ताणी दिलें. ह्या वेळार प्रदेश भाजपाध्यक्ष सदानंद शेट तानावडे, साखळे भाजप मंडळ अध्यक्ष गोपाळ सुर्लकार हाजीर आशिल्लो.
नगरसेवकांनी दरेका मतदाराच्या घरा वचून तांचे प्रश्न समजून घेवप सरकारी येवजण्यो निमण्या घटका मेरेन पावतल्यो हाची जनताय घेवपाक जाय. दरेका घरांत समृद्धी व्हो आमचो नारो आसा. उदरगतीक चालना दितना लोकांक उपेगी पडपी प्रकल्प चालीक लावपाचो सल्लो मुख्यमंत्र्यांनी नव्या पालिका मंडळाक दिलो.
साखळी शार नितळ, सगल्या सुविधानी परिपूर्ण करप, लोकांक मुळाव्यो सुविधा मेळोवन दिवपा खातीर सगल्या नगरसेवकांनी वावुरचे अशें ताणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
