भांगरभूंय | प्रतिनिधी
भांगरभूंय । प्रतिनिधी
काणकोणः काणकोण पोस्ट ऑफिसांत गिरायकांक सारकी सेवा मेळना. कामा खातीर गेल्ल्या लोकांक पोस्ट ऑफिसाच्या भायर रांकेंत उबें रावचें पडटा. संबंदीत कावंटरा कडेन पावतगीर संबंदीत अधिकारी रजेर आसा, दोन दिसांनी येतात अशें सांगून परत धाडटात. दोन दिसांनी आयल्यार परत तोच प्रकार घडटा.
ऑनलायन पशये भरपाचे फॉर्म मागल्यार वीज पुरवण बंद आसा. फॉर्माचो प्रिन्ट काडपाक मेळना अशीं कारण सांगतात. ताका लागून गिरायकांचो वेळ वता आनी नाकाशिल्लो खर्चय जाता. पोस्ट ऑफिसांत विम्याचे हप्ते भरपाक येवपी गिरायांक हो अणभव येता. एक अधिकारी रजेर गेल्यार ताच्या कामाची जापसालदारी दुसऱ्या कडेन दिनात ताका लागून लोकांक व्हो त्रास जाता.
पोस्ट खात्याच्यो वेगवेगळ्यो येवजण्यो आसात. मात कमी कर्मचारी वर्ग आशिल्ल्यान लोकांक जाय त्यो सुविधा मेळप कुस्तार जाता. पोस्ट कार्यालयांत येवजण्यांचो लाब घेवपा खातीर जांणी वेव्हार सुरू दवोरल्यात ताकां येवजणेचे पयशे भरपाक गेल्ले कडेन तांचे पयशे घेवंक नाशिल्ल्यान लेट फी भरची पडटा. वरिश्ठ अधिकाऱ्यांनी काणकोण पोस्ट ऑफिसांत जाय तितलो कर्मचारी वर्ग धाडचो अशी संबंदीत लोकांची मागणी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
