भांगरभूंय | प्रतिनिधी
भांगरभूंय । प्रतिनिधी
फोंडेंः खांडेपार हांक हायस्कूल सामकारच्या रस्त्या कुशीकची 90 एमएमची उदका पायपलायन फुटून हजारांनी लीटर उदक व्हांवन गेलें. मंगळारा दनपारां 4.15च्या सुमाराक ही घडणूक जाली. बांदकाम खात्याच्या कामगारांनी ती सारकी करपाच्या कामाक सुरवात केल्या.
थळाव्या लोकांनी दिल्ले म्हायती प्रमाण मंगळाराक दनपारां पायपलायनींतल्यान हळू हळू उदक व्हांवपाक लागलें. सांजेच्या सुमाराक व्हडा प्रमाणांत उदक रस्त्या वयल्यान व्हांवपाक लागलें. लोकांनी बांदकाम खात्याच्या अभियंत्याक ताची खबर दिली. अर्द वरा उपरांत गांवांतली उदका पुरवण बंद केली. व्हडा प्रमाणांत उदक व्हांवन गेल्ल्यान रस्त्यार सगळे कडेन फातर दिसपाक लागले. बांदकाम खात्याच्या अधिकाऱ्यांनी घडणुकेचे सुवातेर येवन उपरांत दुरुस्ती कामाक सुरवात केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
