भांगरभूंय | प्रतिनिधी
पणजीः भांगराळें गोंय अस्मिताय आयोजीत चवथी सुमती रामा नायक यादस्तीक उत्सवी हौशी कोंकणी नाटक सर्तीचो निकाल जाहीर जाला. हे सर्तींत मासोड्डें वाळपयचे कला आविश्कार संस्थेन सादर केल्ल्या ‘धनया देंवचारा’ ह्या नाटकाक पयलें इनाम फावो जालें.
ही सर्त 1 फेब्रुवारी ते 30 एप्रील मेरेन चलिल्ली. गोंयभरांतल्या 18 हौशी कोंकणी नाट्य संस्थांनी हे सर्तींत वांटो घेतिल्लो. सर्तीचो निकाल फुडें दिल्ले प्रमाण.
दुसरें इनाम- रथोत्सव (श्री सरस्वती नाट्य मंडळ दाग फोंडें), तिसरें इनाम- ओ बाय (श्री राम साई हौशी कला मंडळ आकें मडगांव), उमेद वाडोवपी इनामां- धनया देंवचारा (श्री विठ्ठल मंच सांगाती कारापूर तिस्क सांखळी), देवा तूं पाव (बेळेवंश युवक समिती केरी सत्तरी) आनी आंगश्यो मांगश्यो (वाठारेश्वर महिला नाट्य मंडळ सांतइनेज पणजी).
उत्कृश्ठ दिग्दर्शनः पयलें विष्णू गांवस (धनया देंवचारा, कला आविश्कार), दुसरें- दीपराज खेडेकार (रथोत्सव, श्री सरस्वती नाट्य मंडळ) आनी तिसरें- संदीप मडीवळकार (ओ बाय, श्री राम साई हौशी कला मंडळ).
उत्कृश्ठ अभिनयः पयलें- राजेंद्र च्यारी (बाबुसो, रथोत्सव) आनी दुसरें- साईल नायक (पंकज, ओ बाय). प्रशस्तीपत्रकाः नंदा सावळ (खेत्री, धनया देंवचारा), दीपराज नायक (अभिषेक, आमकां टायम ना), प्रकाश पाळणी (लाडू/ साधूबाबा, रूम मचाये धूम), शिवाजी ओझरेकार (रवी, सुशेगात डॉट कॉम), निलेश मडकयकार (आजेंत कॉश्त, सुंवारी), राधाकृष्ण बांबोळकार (दादा, शुभ मंगल धांव धांव), विभव गावडे (अमोल, फिर भी, दिल है मर्दोवाला), सर्वेश ठाणेकार (बाबू, हरी आमचो टेंपररी).
उत्कृश्ठ अभिनय बायलः पयलें- प्रियांकी कारापूरकार (मंगल, ओ बाय) आनी दुसरें- सेजल शेट्ये (रबिया, आंगश्यो मांगश्यो). प्रशस्तीपत्रकां- समिरा वझरकार (कविता, आमी ना कमी), स्वाती शिरसाट (चिन्नमा, आमकां टायम ना), निकिता गांवस (माया, देवा तूं पाव), वृष्ली कांदोळकार (चेडो, आकू आमचें डाकू), आरती शिरोडकार (आकू, आकू आमचें डाकू), स्नेहा केरकार (चेडो, आकू आमचें डाकू), सलोनी हळदणकार (अक्षया, आमी ना कमी), नेहा गांवस (परी, हरी आमचो टेंपररी).
उत्कृश्ठ विनोदी भुमिका- उमेश बांदोडकार (कायतान, मोग करुया मोग).
उत्कृश्ठ बाल कलाकार- राईराज मडकयकार (पजू, सुंवारी) आनी प्रथमेश सावंत (निम्मो, धनया देंवचारा).
उत्कृश्ठ नाट्यसंहिता (खास सर्ती खातीर बरयिल्लें नाटक)- आमकां टायम ना (सर्वेश नायक).
उत्कृश्ठ पार्श्वसंगीत- सागर गांवस (देवा तूं पाव).
उत्कृश्ठ नेपथ्य- कुंदन च्यारी (धनया देंवचारा).
उत्कृश्ठ भेस- पुंडलीक गांवस (धनया देंवचारा).
उत्कृश्ठ उजवाड येवजण- तुळशीदास नायक (धनया देंवचारा).
उत्कृश्ठ कोंकणी नांदी- रामनाथ दामोदर (शुभ मंगल धांव धांव).
उत्कृश्ठ आयोजक गांव- श्री राम साई हौशी कला मंडळ आकें मडगांव (ओ बाय)
हे सर्तीचें प्रसाद पागी, सुरज कोमरपंत आनी उदय गुडे हांणी परिक्षण केल्लें.
भांगराळें गोंय अस्मितायचे पुरस्कार जाहीरः कमलाकर म्हाळशी हांकां भांगराळो गोंयकार, युगांक नायक हांकां नित्य युवा पुरस्कार
भांगराळें गोंय अस्मिताय संस्थेन अंदूंचे प्रतिश्ठेचे पुरस्कार जाहीर केल्यात. भांगराळो गोंयकार पुरस्कारा खातीर साहित्यीक कमलाकर म्हाळशी हांकां जाल्यार नित्यानंद नायक यादस्तीक नित्य युवा पुरस्कारा खातीर युगांक नाटक हांची निवड केल्या. ही म्हायती संस्थेचे अध्यक्ष राजेश प्रभू हांणी मडगांवां घेतिल्ले पत्रकार परिशदेंत दिली. पुरस्कार वितरण सुवाळो 3 जूनाक मडगांवच्या रवीन्द्र भवनाच्या सभाघरांत आयोजीत केला. ज्येश्ठ साहित्यीक उदय भेंब्रे हांचे हस्तुकीं पुरस्कार भेटयतले. ह्या पुरस्कार वितरणा उपरांत हौशी नाटक सर्तीची इनामां भेटोवपाचो सुवाळो जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
