भांगरभूंय | प्रतिनिधी
भांगरभूंय । प्रतिनिधी
म्हापशेंः कांदोळे ग्रामपंचायचीच्या सरपंचपदार ब्लेझ फर्नांडीस हांची बिनविरोध निवड जाली. आदलो सरपंच फर्मिनो फर्नांडीसान पंचायत मंडळांतल्या समजिकायेचे कबलाती प्रमाण राजिनामो दिल्ल्यान हें पद रिकामें जाल्लें.
सरपंच वेंचून काडपा खातीर पंचायत मंडळाची बसका जाली तेन्ना ब्लेझ फर्नांडीस हाचोच उमेदवारी अर्ज आयिल्ल्यान ताची बिनविरोध निवड जाली. 11 पंच वांगड्यांतले 10 पंच बसकेर हाजीर आशिल्ले. कळंगुटेचो आमदार मायकल लोबोन ब्लेझ फर्नांडीस आनी पंच मंडळाक परबीं दिल्यांत. पंचायत वाठारांतलीं काम सरपंचाच्या फुडारपणा खाला पंचायत मंडळ करतलें असो विस्वास ताणे उक्तायला. फाटल्या पंचायत मंडळांत लेगीत फर्मिनो फर्नांडीसान राजिनामो दिल्या उपरांत ब्लेझ फर्नांडीस सरपंच जाल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
