भांगरभूंय | प्रतिनिधी
भांगरभूंय । खेळां मेज
पणजीः अनिश नायकान आठांतले 7.5 गुण मेळोवन फोंडें तालुको उक्ते रॅपीड बुद्दिबळ सर्तींत वस्तादपण मेळयलें. अॅस्टोन डायस आनी नेत्रा सावयकारान दरेकी दुसरी आनी तिसरी सुवात मेळयली. फोडें तालुको बुद्दिबळ असोसिएशनान गोंय बुद्दिबळ अॅडव्होक समितीच्या पालवान मंगेशी हांगा वागेळे हायस्कुलांत ही सर्त आयोजीत केल्ली.
अमोघ नमशिकारा मुख्य आरबिटर म्हणून आशिल्ले हे सर्तींत 100 सर्तकांनी वांटो घेतिल्लो. श्रीलक्ष्मी कामत, सचीन गावडे, नसिफ खान, मयांक गावडे, विश्वेश पै, सिद्धिराज गांवकार, स्वयंम बांबोळकार, निधी गावडे, साईश नाटेकार, स्वयंम नायक, हरिश कुर्टीकार आनी योगेश दळऴी हांणी दरेकी चवथो तो पंदरावो नंबर मेळयलो.
सर्तींत अंडर-13 सर्तींत रिद्धी गावडे आनी सुमेध शिकेरकारान पयलो आनी दुसरो नंबर मेळयलो. अंडर-11 सर्तींत अर्णव रेगे आनीचेतन कुर्टिकारान, अंडर- 9त अवनी सावयकार आनी श्रीसाक्षी शेट, अंडर-7 त अर्पव नायक आनी सार्थक नायकान पयले दोन नंबर मेळयले.
फोडें बुद्दिबळ असोसिएशनाचो अध्यक्ष सागर साकोर्डेकार, सचीव अमोघ नमशिकार, जोड सचीव संदीप नायक आनी कार्यकारी हाम्नवार आनी अरविंद कुर्टीकार हांचे हस्तुकीं जैतिवंत सर्तकांक करंड आनी प्रमाणपत्रां साधा साकोर्डेकारान इनाम भेटवण कार्यावळीचें सूत्रसंचालन केलें आनी अमोघ नमशिकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
