भांगरभूंय | प्रतिनिधी
खबरां संस्था
नवी दिल्लीः भारतीय कुस्ती म्हासंघाचो अध्यक्ष खासदार ब्रीजभूशण शरण सिंग हाका अटक करपाचे मागणे खातीर फाटल्या 22 दिसां सावन कुस्तीगीर जंतर-मंतर हाका धरणें आंदोलन जरी करतात तरी कुस्ती म्हासंघान आशियाई कुस्ती चॅम्पियनशीप सर्तीत खातीर अंडर- 17 आनी अंडर 23चो भारतीय पंगड वेचून काडपा खातीर ट्रायल मॅचीचें वेळापत्रक जाहीर केलां.
सोनीपत आनी पतियाळांत ह्यो चांचणी सर्ती जातल्यो. किर्गिस्तानांतल्या बिश्केक हांगा ही सर्त जातली. 17 तें 20 मे मजगती चांचणी सर्ती जातल्यो. तातूंद दर दिसा दोन तें तीन वजनी गटाच्यो चांचणी कुस्ती जातल्यो. सोनीपतांक कुस्ती म्हासंघाचे एडहॉक समितीचे वांगडी भूपेंद्र सिंह बाजवा ह्या वेळार हाजीर रावतले.
सोनीपतांत फी स्टायल वरग् आनी पतियाळांत ग्रीको रोमन आनी बायल कुस्तीगीरांच्या चांचणी कुस्ती जातल्यो. ताची सगली तयार पुराय केल्या. सोनीपतांत चांचणी मॅचींची प्रक्रिये वेळार भूपेंद्र सिंह बाजवा, कुस्ती पंगडाचे मुखेल प्रशिक्षक जगमिंदर सिंह आनी अर्जुन पुरस्कार जैतिवंत पेहलवान रमेश कुमार गुलिया हाजीर रावतलो. पतियाळांत ग्रीको रोमन चांचणी कुस्ती वेळार द्रोणाचार्य पुरस्कार जैतिवंत सुमा शिरूर, महासिंहराव आनी अर्जुन पुरस्कार जैतिवंत अलका तोमार हाजीर रावतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
