भांगरभूंय | प्रतिनिधी
भांगरभूंय । खबरां मेज
पणजीः नाशिक हांगचे वसंत व्याख्यान माळेंत ज्ञानपीठ पुरस्कार फावो जाल्ले कोंकणी साहित्यीक दामोदर मावजो हांचो आयज (15 मे) महाराष्ट्राचे सांस्कृतीक मंत्री सुधीर मुनगंटीवार हाचे हस्तुकी भोवमान करतले. गोदावरीचे देगेर सोमाराक सांजे 7 वरांचेर ही भोवमान कार्यावळ जातली. ह्या वेळार आदले केंद्रीय कायदो मंत्री रमाकांत खलप हाजीर रावतले.
वसंत व्याख्यान माळेक अदूं शंबर वर्सा जातात. ते खातीर 1 तें 31 मे मजगतीं शती महोत्सव मनयतले. ते खातीर सोमाराक जावपी कार्यावळीक हाजीर रावपा खातीर दामोदर मावजो आनी रमाकांत खलप हांका खासा आमंत्रण दिला. वसंत व्याख्यान माळेक खासा म्हत्व आसा. तातूंत महात्मा गांधी, पं. जवाहरलाल नेहरू हांच्या सयत देश- विदेशांतल्यान जायत्या दिग्गजांनी वांटो घेतिल्लो आसा. रमाकांत खलप गोोंयची साहित्यीक आनी सांस्कृतीक परंपरा ह्या विशयाचेर व्याख्यान माळेंत भाश्य करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
