भांगरभूंय | प्रतिनिधी
गोंय खेळां आनी युवा संचालनालया वतीन आयोजीत केल्ले अखील गोंय राज्य पांवड्या वयले 17 वर्सां पिराये सकयले चलयांचे हॉकी सर्तींत केरी-सत्तरीचें सरकारी माध्यमीक विद्यालयाच्या पंगडाक उप वस्तादपण फावो जालें.
मडगांवच्या सुरावली हांगा जाल्ले फायनलींत ताणें बस्तोडेंच्या सेंट जोसेफ हायस्कुलाक हारयलें. सरकारी माध्यमीक विद्यालयाच्या पंगडांत हर्षदा गांवस, सलोनी गांवस, मयुषा गांवस, उर्मिला नायक,अमिता पिंगळे, गौतमी जाधव, रश्मी जाधव, सीया जाधव, तन्वी सावंत, चैताली परब, समृद्धी पाटील, प्रणाली सावंत, पुर्वा गांवस, मेघा गांवस, सिद्धी गांवस आनी सानिया गांवस ह्या खेळगडयांचो आस्पाव आशिल्लो.
मुख्याध्यापक श्रीकृष्ण नायक तशेंच पंगडाचे प्रशिक्षक टॉम मिनेझीस, विद्यालयाचे शारिरीक शिक्षक देवेंद्र गावडे आनी भावेश गांवस तशेंच पंगडाची मॅण्टोर विद्या देसाय हांचे मार्गदर्शन लाबलें. हाचे पयलीं पंगडाक राज्य पांवड्याचेर नेहरू करंड सर्तींत लेगीत उप वस्तादपण फावो जाल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
