भांगरभूंय | प्रतिनिधी
गिरायकांक येवजणेचो लाव दिवपाचे यत्न करपाचें उतर
भांगरभूंय । प्रतिनिधी
फोंडें: इलेक्ट्रीक गाडयो खरेदी करचे खातीर गिरायकांक गरजेचे येवजणेचो लाव मेळोवन दिवचे खातीर यत्न करतले, अशें वीज मंत्री सुदिन ढवळीकार हांणी सांगलें.
रोटरी क्लब ऑफ फोंडें वतीन आयोजीत केल्ले कार्यावळींत मंत्री ढवळीकार हांचे हस्तुकीं पींक ई रिक्षाची चावी सीमा रामनाथकार हिका दिली. ह्या वेळार ते उलयताले. ह्या वेळार गौरीश धोंड, अध्यक्ष डॉ. संतोष तिळवे, सचीव सुचित्रा भट आनी हेर मानेस्त हाजीर आशिल्ले.
गोंयांत गाडयांचो आंकडो गतीन वाडटा. विजेचेर चलपी गाडयांक लागून प्रदुशण उणे जावपाक मजत जाता. ताका लागून 2027- 28 मेरेन डिझॅलाचेर चलपी वाहनांची संख्या अर्दी करपाचो यत्न सरकार करता. हेर राज्यांचे तुळेंत गोंयांत गाडयांची संख्या हिसपा भायर वाडल्या. ताका लागून प्रदुशण लेगीत वाडटा, अशें मंत्री ढवळीकार हांणी सांगलें.
पींक ई रिक्षेक लागून गरजेवंत बायलांचो पोटापाणयाचो प्रस्न सासणाचो सुट्टलो. गरजेवंत बायलांनी येवजणेचो लाव घेवपाची गरज आसा, अशें गौरीश धोंड हांणी सांगलें. डॉ. संतोष तिळवे हांणी येवकार दिलो. सुचित्रा भट हांणी उपकार मानले. संजना देसाय हांणी सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
