भांगरभूंय | प्रतिनिधी
भांगरभूंय । प्रतिनिधी
पेडणेः पेडणेच्या भगवती नागरी पतपुरवण सोसायटीक 2022-23 ह्या अर्थीक वर्सा 27 लाख 59 हजार 335 रुपयाचो फायदो जाला. 100 टक्के एनपीएची तजवीज केल्या उपरांत वट्ट फायदो 14 लाख 2 हजार जाला. संस्थेचो चॅरमन श्रीपाद परब हांणे ही म्हायती दिली.
फाटल्या अर्थीक वर्सा संस्थेचे 197 नवे वांगडी जाल्यात. तांचो वट्ट आंकडो 10,778 जाला. अर्थीक वर्सां संस्थेन 3 कोटी 91 लाख 72 हजारांचो ठेवी मेळयल्यात. सध्या संस्थे कडेन 25 कोटी 15 लाख 79 हजारांचो ठेवी आसात. संस्थेन पोरूं 6 कोटी 1 लाक 53 हजारांचे रीण वांटप केलां.
सोसायटीच्या संचालक मंडळान ठेवींचेर आनी रिणा वयल्या कळंतरांत बदल करपाचें थारायलां. निव्वल फायद्याचें प्रमाण उलाढालीच्या 1 ते 2 टक्क्यां मेरेन स्थीर दवोरपाचें थारायलां.. फुडल्या अर्थीक वर्सा मेरेन संस्थेची उलाढाल 8 कोटी परस चड करपाची तशेंच घरा खातीर आनी वाहन घेवपाची रीणाची मर्यादा 10 लाख रुपयाचेंर व्हरपाचें थारायलां अशें परब हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
