भांगरभूंय | प्रतिनिधी
भांगरभूंय । प्रतिनिधी
काणकोणः कर्नाटकांतले विधानसभा वेंचणुकेचे फाटभुंयेर लोलयें- पोळें वाठारांतल्या रानांतल्यान कर्नाटकात व्हरताले तो व्हिस्की, बीयर व्हो सोरो गोंय अबकारी खात्याच्या भरारी पंगडांत जप्त केलो. विधासभा वेंचणुकेच्या मतदाना दिसांक चोर वाटेन व्हो सोरो कारवाराक व्हरताले.
व्हिस्कीच्यो 48 बाटल्यो बियरीची 24 टिन्स मेळून 23,280 रुपयांचो सोरो लोलयेंच्या रानांत ल्हिपोवन दवरिल्लो अबकारी पंगडाक मेळ्ळो. अबकारी अधिकारी येतात हें पळोवन संबंदित सोरो रानांत उडोवन गेले. काणकोणच्या अबकारी कार्यालयांते अबकारी अधिक्षक चंद्रनाथ देसाय हाच्या भरारी पंगडान सोरो जप्तीची कारवाय केली. गोंय- कर्नाटक शीम वाठारांतल्या रानांतल्यान सोरो कर्नाटकांत व्हरतले अशी गुपीत म्हायती अबकारी कार्यालयात मेळल्ली.
मंगळारा सांजे दोन जाण व्हिक्सी बाटल्यो घेवन वताले. अबकारी अधिकाऱ्यांक पळयतगीर तांणी बाटल्यो उडोवन रानांतल्या पळ काडलो. विदेश धुरी, संतोष गांवकार, दत्ता गांवकार, आनंदू वेळीप, अनय वेळीप आनी विनोद नायक ह्या अबकारी कर्मचाऱ्यांनी सोरो जप्तीची कारवाय केली.
लोलयें- पोळें ह्या शीम वाठारांत सुमार 56 बार्रां आसात 8 तें 10 मेक ती बंद आशिल्ली. कर्नाटक विधासभा वेंचणुकेच्या दिसा 13 मेक तीं बंद दवोरपाचो आदेश अबकारी खात्यान दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
