भांगरभूंय | प्रतिनिधी
भांगरभूंय । प्रतिनिधी
म्हापशेंः हणजूण-कांयसूंव पंचायत वाठारांत बांदल्ली 9 बेकायदेशीर बांदकामां मोडलीं. गोंय दर्यादेग वाठार वेवस्थापन प्राधिकरण आनी हणजूण- कांयसूंव पंचायतीन ही जो़ड कारवाय केली. उच्च न्यायालाच्या आदेशा उपरांत हणजूण, वागातोर, दर्या वाठारांत एससीझेडाचें उल्लंघन करून ही बादकामां केल्ली, तातूंत सुमार 38 बांदकामांचो आसपाव आसा. 9 बांदकामां जेसीबी मशिना वरवीं मोडपाचें काम हातांत घेतलां.
बिरेस्तारा पांच बांदकामांचेर कारवाय केली. बुधवारा चार बांदकामां मोडल्लीं. एका बांदकामा वयले कारवायेक बांदकाम केल्ल्यान न्यायालया कडल्यान स्थगिती मेळयल्या. पंचायतीन दर्यादेक वाठार वेवस्थापन प्राधिकरणाच्या पालावन बांदकामांचेर कारवाय केल्या अशें ,सरपंच लक्ष्मीदास चिमुलकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
