भांगरभूंय | प्रतिनिधी
पदार्पण करपी वास्को युनायटेड एफसीन तिसरे विभागीय लिगेचें (मुरगांव विभाग) वस्तादपण जोडलें. काल जाल्ले मॅचींत ताणें बेनफिका यूथ क्लबाक गोलाविणें बादाबाद आडायलो आनी आपलें वस्तादपण निश्चीत केलें.
पुराय मॅचींत दोनूय क्लबांनी जैत जोडपाक नेटाचो खेळ केलो. 9 गुणां सयत पयले सुवातेर आशिल्ल्या वास्को युनायटेडक वस्तादपण निश्चीत करपाक ही मॅच फकत बादाबाद दवरपाक जाय आशिल्ली. जाल्यार सात गूण आशिल्ल्या बेनफिलाक ही मॅच जिखपाकूच जाय आशिल्ली.
वास्को युनायटेडा वतीन एसन आनी जोहान हांणी जाल्यार बेनफिका वतीन धीरज लमाणी आनी विदेश सातार्डेकार हांणी बरो खेळ केलो.
वास्को युनायटेड आनी बेनफिका यूथ क्लब दोगूय फुडल्या हंगामा खातीर दुसऱ्या विभागांत खेळपाक पात्र थारले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
