भांगरभूंय | प्रतिनिधी
मंगळुरू: सुरतकल, मंगळूर हांगां हालींच मंगळुरचे नामनेचे कवी जोर्ज लिगोरी डिसौजा हांच्या घरा कोंकणी लेखक संघाची ’काव्यसंगम’ कार्यावळ जाली. कवी नवीन पेरेरा हांणी हाजीर आशिल्ल्या कवींक ’काव्यसंगम’ कार्यावळींत येवकार दिलो.
कोंकणी लेखक संघाचे अध्यक्ष गौरिश वेर्णेंकार हांणी प्रास्तावीक केलें. हाजीर आशिल्ल्या सुरतकल, मंगळूर वांठारांतल्या कवींनी विवीध विशयांवयल्यो कविता मंगळुरी शैलिंतल्यान ह्या वेळार सादर केल्यो. कोंकणी लेखक संघाचे वांगडी गौरिश वेर्णेंकार, प्रसन्न पागी, प्रसाद पागी हांणीय ह्या वेळार साश्टी मोडिंतल्या कवितांचें वाचन केलें.
जॉर्ज लिगोरी डीसूझा सुरतकल हांणी ‘म्हजी माय’ कवीता सादर केली. नवीन परेरा सुरतकल हांण ‘ओळख’, प्रसाद पागी, गोंय हांणीं ‘माया म्हयन्यांची’, रेमंड डकुन्हा टॅकोड हांणीं ‘म्हजो मोग’, डॉ. जॉय किन्नीगोली, हांणी ‘म्हजी कवीता’, प्रसन्न पागी हांणी ‘यादींचो पावस’, जॉसी पिंटो किन्निगोली हांणी ‘ओळख’, रोशन मुडूबेले हांणी ‘भाणशीरें’ कविता सादर केली.
निमाणें जोर्ज लिगोरी डिसौजा हांणी सगळ्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
