भांगरभूंय | प्रतिनिधी
भांगरभूंय । प्रतिनिधी
दिवचलः वेदांता सेझा गोवा आनी वेदांता फावंडेशन हाणी दिवचल पालिका मंडळाच्या पालवान दिवचले सुरू केल्ल्या वेदांता संगणक केंद्राचे दिवचलचो आमदार डॉ चंद्रकांत शेट्ये हाचे हस्तुकीं उक्तावण केलें. ह्या वेळार दिवचलचो नगराध्यक्ष कुंदन फळारी, मुख्याधिकारी सचीन देसाय, सेझा गोवाचे संतोष मांद्रेकार आनी हेर मानेस्त हाजीर आशिल्ले.
थळाव्या तरणाट्यांची संगणक कुशळताय वाडोवप तांचे खातीर रोजगाराची संध तयार करप आनी दिवचल आनी हेर गांवांतल्या तरणाट्यांक संगणक साक्षर करप हो ह्या केंद्र स्थापणुके फाटलो हेत आसा.
वेदांता सेझा गोवा संगणक प्रशिक्षण केंद्रा वरवीं दिवचल आनी हेर गांवांतल्यान दर वर्साक 300 इत्सूक तरणाट्यांक प्रशिक्षण दिवपाचें उद्दिश्ट सामकार दवोरलां. कॉम्प्युटर फंडामेंटल्स, मुळावें प्रोग्रामींग, वेब डेव्हलपमेंट आनी हेर विशय़ांचो आसपाव आशिल्लो स म्हयन्याचें प्रशिक्षण उपलब्द करून दितले. ते घेतल्यार तरणाट्यांक रोगगार मेळपाक शकतलो
सध्या डिजिटल शिक्षणाची गरज आसा. ह्या केंद्राचो तरणाट्यांनी लाब घेवचो अशें आवाहन डॉ शेट्ये हांणी केंद्राचें उक्तावण केल्या उपरांत सांगलें. वेदांत सेझा गोवाचो सीईओ नवीन जाजू हाणे एक प्रगतशील संस्था ह्या नात्यान वेदांता डिजिटल साक्षरतेचें म्हत्व आमी वळखतात. थळाव्या तरणाट्यांक संगणक प्रशिक्षण दिवपा खातीर दिवचल पालिका मंडळा कडेन भागिदारी करपाक आमकां खोस जाता अशें सांगलें,
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
