भांगरभूंय | प्रतिनिधी
म्हापशें: मूळ झारखंडांतले एके चलयेचो अश्लील व्हिडीयो रिकॉर्ड करून तो इंस्टाग्राम ह्या सोशल मिडियेचेर घातिल्लो. ह्या प्रकरणांत दुबावीत दैनियाल लाक्रा (23, रा. शापोरा आनी मूळ मध्यप्रदेश) हाका पणजी पुलिसांनी अटक केली.
फिर्यादी चलये कडेन दुबावितान सोशल मिडियाच्या आदारान इश्टागत केली. उपरांत ती आपल्या मूळ गांवांत झारखंडांत गेली. ताचे आदीं दुबावितान तिचो लिंगीक व्हिडीयो तयार केलो आनी ते गेले उपरांत 3 मे ह्या दिसा इंस्टाग्रामाचेर घातलो.
पिडेस्त चलयेचो विनयभंग आनी गोपनियतेचें उल्लंघन केल्ल्याच्या आरोपा खाला पुलिसांनी दुबाविता आड गुन्यांव नोंद करून अटक केली. दुबावीत शापोरा एका रेस्टॉरंण्टाचेर काम करतालो. पुलीस अधिक्षक शिवेंदू भूषण, उपअधिक्षक सुदेश नायक हांच्या मार्गदर्शना खाला निरिक्षक सतीश पडवळकार, उपनिरिक्षक अमीर तरल, हवालदार नितीन गांवकार आनी कॉन्स्टेबल सयेश उसकयकार ह्या पंगडान ही कामगिरी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
