भांगरभूंय | प्रतिनिधी
भांगरभूंय । प्रतिनिधी
म्हापशेंः पयलींचे देणे दिवपाच्या पयशां विशीं विचारलें म्हणून आसगांवची प्राची कटारिया हे एका दुकान धनीणीचेर कुराडीन जीण घेणो हल्लो करपाचो प्रकार बिरेस्तारा सांजे वालेवाडो- आसगांव हांगा घडलो. हणजूण पुलिसांनी ब्रावीन सातार्डेकार आनी आशिश गांवकार हांचे आड गुन्यांव नोंद केला.
ब्रावीन ह्या नुस्तें विकतल्यान कटारिया हिच्या साई जनरल स्टोअर्सात गिफ्ट पाकिट हाडपा खातीर आपल्या कामगाराक धाडल्लें. कटारियान पयलीचे देणे आशिल्ले पयशे काडून 20 रुपयांतले 5 रुपये कामगाराक परत दिले. ब्रावीनान दुकानार येवन कटारियाक गाळयो सोंवल्यो उपरांत आशिश गांवकाराक वांगडा घेवन कुराडीचो घाव तिचेर घातलो. तो आडायतना तिच्या हाताक गंभीर दुखापत जाली. दोगानीय तिची आवय बापायक मारपेट केली. पुलीस घडणुकेचे सुवातेर येवचे पयली ब्रावीन आनी आशिशान फुज्जो काडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
