भांगरभूंय | प्रतिनिधी
भांगरभूंय । खबरां मेज
पणजीः नेहरू युवा केद्रा वतीन उत्तर आनी दक्षीण गोंयांत जिल्हो पांवड्या वयलो युवा उत्सवाचें आयोजन केलां. उत्तर गोंयांत शेनवार 13 मेक दिवचले नारायण झांट्ये म्हाविद्यालय आनी दक्षीण गोंयांत 17 मेक केपेंच्या सरकारी म्हाविद्यालयांत युवा उत्सव जातलो.
एका दिसांच्या या युवा उत्सवांत पांचशें परस चड तरणाटे कलाकार वांटेकार जातले. तातूंत पेन्टिंग, मोबायल, फोटोग्राफी, कविता लेखन, भाशण आनी लोकनाच सर्तीचें सादरीकरण जातलें. जिल्हो पांवड्या वयल्या जैतिवंत तरणाट्यांक राज्य पांवड्या वयल्या युवा उत्सवांत वांटो घेवपाची संद मेळटली. 15 तें 29 वर्सा पिरायेच्या तरणाट्यांक आनी विद्यार्थ्यांक ह्या उत्सवांत वांटो घेवपाक मेळटलो.
वांटेकार जावपाक इत्सूक आशिल्ल्या तरणाट्यांनी, विद्यार्थ्यांनी आनी शिक्षणीक संस्थांनी प्राध्यापक डॉ प्रवीण सावंत, झांट्ये म्हाविद्यालय, दिवचल, आकाश गांवकार, सरकारी म्हाविद्यालय-केपें हाचे कडेन तशेंच नेहरू युवक केंद्रा कडेन संपर्क सादचो. तरणाट्यांनी व्हडा संख्येन उत्सवांत वांटो घेवचो अशें नेहरू युवक केंद्रान मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
