भांगरभूंय | प्रतिनिधी
भांगरभूंय । प्रतिनिधी
पेडणेः प्रदेश भाजपा अध्यक्ष सदानंद शेट तानावडे हांणी पेडण्याचो नवो नगराध्यक्ष सिद्धेश पेडणेकाराची पेडण्याचो आमदार प्रवीण आर्लेकार हाच्या वांगडा बिरेस्ताराक भेट घेवून ताका परबीं भेटयलीं. अलिखीत कबलाती प्रमाण सगल्या नगरसेवकांक नगराध्यक्ष आनी उपनगराध्यक्ष जावपाची संद दिल्या. सगल्यांनी संघटीतपणान पालिका वाठाराची उदरगत करपाचो यत्न करचो. सरकारा कडल्यान सगळें सहकार्य मेळटलें अशें तानावडेन ह्या वेळार सांगलें.
एक साबार कार्यकर्तो तें नगरसेवक आनी नगराध्यक्ष ही सिद्धेश पेडणेकराची वाटचार ताच्या प्रामाणीकपणाल लागून जाल्या. मुख्यमंत्री डॉ प्रमोद सावंत हांचे कडेन उलोवन पेडणेच्या उदरगती खातीर पालिका मंडळाक निधीची वेवस्था करपाचो यत्न करपाचें उतर तानावडेन ह्या वेळार पालिका मंडळाक दिलें. ह्या वेळार पेडणे भाजपा मंडळ अध्यक्ष आनी चांदेलचो सरपंच तुळशीदास गांवस, आदली नगराध्यक्ष उषा नागवेकार, विशाखा गडेकार नगरसेविका तृप्ती सावळ देसाय, अश्विनी अरविंद पालयेकार, नगरसेवक मनोज हरमलकर, आदलो जिल्हो पंचायत वांगडी रमेश सावळ देसाय, प्रकाश कांबळी, महादेव गवंडी, बाबासाहेब आंबेडकर समितीचे कार्याध्यक्ष सखाराम कोरगांवकार आनी रिपब्लिकन पक्षाचे निरीक्षक सतीश कोरगांवकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
