भांगरभूंय | प्रतिनिधी
भांगरभूंय । प्रतिनिधी
म्हापशेंः पिळर्ण उद्देगीक वसणुकेंतल्या बर्जर बेकर पेंट कंपनीक उजो लागपाचे घडणुकेन साळपें गांवांतल्या बांयेतलें उदक प्रदूशीत जाल्लें. कांदोळी पंचायतीन त्यो नितळ करपाचें काम हातांत घेतलां. गांवांत सुमार 30 बांयो आसात. तातूंतलो चिखोल काडून तो नितळ केल्यार गांवांतल्या लोकांक तें वापरपाक मेळटलें.
सरपंच फर्मिनो फर्नांडीस हांच्या फुडारपणा खाला कांदोळी पंचायतीन नितळसाणेचें हें काम करपाक फुडाकार घेतला. थळावो पंच दिनेश मोरजकार हाचे देखरेखी खाला हें काम सुरू केलां. पावसा पयलीं हें काम पुराय करतले अशें सरपंचान सांगलें.
फाटल्या 10 जानेवारीक बर्जर पेंट कंपनीक उजो लागल्लो. ताका लागून साळपें आनी ओर्डा गांवांतल्या बांयांतलें उदक प्रदूशीत जाल्लें. उजो पालोवपाक उदक आनी फोमाचो वापर केल्लो. तें उदक जमनीपोंदच्या उदकांत रिगलें. ताका लागून शंबर मीटर वाठारांतल्यो साळपेचो बांयो प्रदूशीत जाल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
