भांगरभूंय | प्रतिनिधी
भांगरभूंय । प्रतिनिधी
पर्वरीीः पेन्ह द फ्रान्स पंचायतीच्या आयतारा जाल्ले ग्रामसभेंत पंचायतीच्या 2023-24 वर्सा खातीरच्या 6 कोटी 71 लाख रुपयांच्या अर्थसंकल्पाक मान्यताय दिली. सरकारा कडल्यान पंचायतीक 1.24 कोटी रुपये मेळटले आनी 15व्या आयोगा कडल्यान 85 लाख रुपये मेळटले. ते अर्थसंकल्पांत दाखयल्यात.
सरकारा कडल्यान मॅचींग अनुदान म्हणून पंचायतीक 4.25 लाख, कोयर अनुदान म्हणून 4.20 लाख, घरपट्टी आनी हेर करांतल्यान 1 कोटी 35 लाख रुपया मेळटले. वेवसायीक करांतल्यान 55 लाख रुपयांची येणवळ येतली.शुल्का वरवीं 1 कोटी 49 रुपया मेळपाची अपेक्षा आसा
खर्चा वटेन 2.26 कोटी रुपया भौशीक कामां खातीर दाखयल्यात. रस्त्यां खातीर 35 लाख, राखणे वणत, फूटपाथा खातीर 50 लाख, उक्ते सुवातीचे उदरगती खातीर 15 लाख, कार्यालयीन सुवात विकती घेवपा खातीर 55 लाख प्रशासन खर्च 93. 65 लाख दाखयला. नितळसाण, भलायकी आनी कुटूंब कल्याणा खातीर 1.11 कोटी रुपयांची तजवीज केल्या. घनकोयर वेवस्थापना खातीर 9 लोख. घरांनी वचून कोयर एकठांय करपा खातीर 95 लाख आनी कोयराच्यो पेटयो घेवपा खातीर 2.50 लाख रुपयाची तजवीज केल्या. समाज कल्याणा खातीर 8.70 लाख रुपया खर्च दाखयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
