यंग स्टार ऑफ मौळाक वस्तादपण

भांगरभूंय | प्रतिनिधी

यंग स्टार ऑफ मौळान उमळशीक वाडोवपी जाल्ले फायनलींत पनवेल स्पोर्ट्स क्लबाक 2 धांवड्यांनी हारोवन गोंय क्रिकेट असोसिएशनान आयोजीत केल्ले तिसवाडी बी विभाग क्रिकेट सर्तीचें वस्तादपण जोडलें.

कांपाल पणजी वयल्या बांदोडकार क्रिकेट मैदानाचेर मॅच जाली.

पयलीं बॅटींग करतना यंग स्टार ऑफ मौळान सुरज गोंड ( 131) आनी अक्षय खोपडे (101) हांच्या शेंकड्यांच्या नेटार 40 ओव्हरींनी 6 विकेटी वगडावन 334 असो धांवड्यांचो दोंगर उबारलो.

मोखीचो फाटलाव करतना पनवेल स्पोर्ट्स क्लबान 39 ओव्हरींनी 7 विकेटी वगडावन 332 धांवड्यां मेरेन मजल मारली. आदर्श बोथरान 157 आनी जयपाल माडा हाणें 77 धांवड्यांची खेळी केली. पूण, तांकां आपल्या पंगडाक जैत मेळोवन दिवपाक अपेस आयलें.

थोडे भितर धांवतकटोः यंग स्टार्स ऑफ मौळा, 40 ओव्हरींनी 6 बाद 334 धांवड्यो (सुरज गोंड 131, अक्षय खोपडे 101, अजिंक्य च्यारी 21 धांवड्यो, मिझान सय्यद 2-32) जैत आड पनवेल स्पोर्ट्स क्लब, 39 ओव्हरींनी 7 बाद 332 धांवड्यो ( आदर्श बोथरा 157, जयपाल माडा 77, सत्येंद्र सिंग 35 धांवड्यो, संजय नायक 3-51, सार्थक वाळके 2-42).