भांगरभूंय | प्रतिनिधी
फोंडें: शेनवारा सांजे वेळार कुळें पुलिसांनी रानांत सोरो घेवन वचपी शिवाप्पा हयाती (30, गडग- कर्नाटक) हाका ताब्यांत घेवन ताचे कडलो 9 लिटर सोरो जप्त केलो. जप्त केल्ल्या सोऱ्याचें मोल 3,155 रुपया आसा. पुलिसांनी दुबाविताक अबकारी खात्याच्या अधिकाऱ्यांचे सुवादीन दिला.
मेळिल्ले म्हायती प्रमाण मोल्यां तपासणी नाक्या पासून कांय अंतराचेर आशिल्ल्या रानांतल्यान एक मनीस पोती हातांत घेवन वता, अशी म्हायती पुलिसांक मेळ्ळी. कुळें पुलिसांनी दुबाविताक ताब्यांत घेवन ताची चवकशी केली त्या वेळार ताचे कडेन 9 लिटर सोरो सांपडलो. तो सोरो मोलें तपासणी नाको हुपून उपरांत बशींतल्यान हुबळी व्हरपाचो आशिल्लो. पूण ते आदीं दुबावीत पुलिशेचे तावडेंत सांपडलो. कुळें पुलीस स्टेशनाचे निरिक्षक सगूण सावंत हांच्या फुडारपणा खाला उपनिरिक्षक अजय धुरी हांणी कारवायेंत वांटो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
