भांगरभूंय | प्रतिनिधी
भांगरभूंय । सरकारी पत्रक
कर्नाटकांत 10 मेक जावपी विधानसभा वेंचणुकेच्या फाटभूंयेर कर्नाटक राज्याच्या शिमेसावन गोंयच्या 5 किलोमीटर वाठारांत येवपी काणकोण तालुक्यांतलो पोळे गांवचो वाठार, धारबांदोडें तालुक्यांतलो मोले गांवचो वाठार आनी सत्तरी तालुक्यांतल्या सुर्ला गांवच्या वाठारांत 8 मेक सांजेच्या 6 वरांसावन 10 मेच्या मध्यान राती मेरेन सोऱ्याची येरादारी आनी तो लागीं बाळगुपाचेर निर्बंध लागू केल्यात.
हे मजगतीं खंयचीय व्यक्ती आपल्या कुटुंबातल्या वांगड्या सयत बियर सोडून भारतीय बनावटीच्या विदेशी सोऱ्याची वा विदेशी सोऱ्याची पाऊण बाटली आनी 650 एमएलच्यो स बियरीच्यो बाटल्यो आनी देशी सोऱ्याची पाऊण बाटली एका जाग्यावयल्यान दुसऱ्या जाग्यार व्हरपाक शकतली वा आपल्या लागी बाळगुपाक शकतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
