भांगरभूंय | प्रतिनिधी
भांगरभूंय । प्रतिनिधी
वास्कोः रस्ताद कुत्र्यांक कोणीय कच्चें मांस घालतना दिसल्यार ताका रोखडीच अटक करपाची सूचोवणी वास्को पुलिसांक केल्या अशें आमदार कृष्णा साळकार हाणे सांगलां. कच्चें मांस घातल्यार कुत्रे चड हिंसक जातात ताका लागून लोकांनी अशें करचें न्हय अशें ताणे ताचे कडेन मागलां.
मायमोळें हांका एके बायलेक रस्ताद कुत्र्यांनी जे तरेन घास मारल्यात ती घडणूक भिरांकुळ आसा. हालींच विधानसभेंत आपणे रस्त्याद कुत्र्यांचो प्रश्न उपस्थीत करून सरकाराक उपाय येवजण करपाक सांगल्लें. लोकांच्या तशेंच वाहनाच्या फाटल्यान ही कुत्री लागतात ताचेर उपाय काडपाक जाय अशें ताणे सांगलें.
वास्को शारांत फिरपी 90 टक्के गोरवांचो प्रश्न आमी सुटावो केला. मात कायद्याक लागून रस्त्याद कुत्र्यां विशीं आमी चड कांय करपाक शकनात. तांचो आंकडो वाडत आसा. चडांत चड आमी ताचें निर्बिजीकरण करपाक शकतात. कांय लोक कुत्र्यांक कच्चें मांस आनी चिकन वेस्ट खावपाक घालतात. तांचेर आतां पुलिसांची नदर आसतली. कुत्र्यांक एका कोनश्याक बिस्किटी, दूद, शीत वा शिजल्लें मांस घालपाक कोणाची हरकत ना. कच्चें मांस घातल्यार ते आक्रमक जातात अशें साळकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
