भांगरभूंय | प्रतिनिधी
भांगरभूंय । खेळां मेज
पणजीः म्हापशें ड्रीम क्रशर्स आनी स्पार्टन स्ट्रायकर्स पंगडांनी वायल्डफायर फ्रेन्डशीप शील्ड क्रिकेट सर्तीचे फायनलींत प्रवेश केलो. फ्रेन्डशीप शील्ड सोर्टंसान आयोजीत केल्ली हे सर्तीची फायनल आयतार 30 एप्रिलाक मलकर्णे एसके मैदानार सकाळीं 9.30 वरांचेर सुरू जातली.
पयले सेमी फायनलींत म्हापशे ड्रीम क्रशर्सान गिझोमोस ग्लेडियर्साक 59 धांवड्यांनी हारयलें. म्हापशें क्रशर्सान 7 आवट 183 धांवड्यो केल्यो. तांच्या सोहम पानवलकारान 50 धांवड्यो केल्यो आनी आनंद माजाळकारान 4 विकेटी घेतल्यो. गिझोमोसान 7 विकेटी वोगडावन 124 धांवड्यो केल्यो. सुमीत सिंगान 57 धांवड्यो केल्यो आनी नील नेत्रावळकारान 2 विकेटी घेतल्यो. आनंद माजाळकार मॅन ऑफ दी मॅच थारलो.
दुसरे सेमीफायनलींत स्पार्टनान गोवन ग्लेडियर्टांस 64 धांवड्यांनी हारयलें. स्पार्टनान आपल्या डावांत 7 आवट 186 धांवड्यो केल्यो. राजू पाठकान 40, कश्यप बखलेन 34 धांवड्यो केल्यो. सनथ नेवगीन 3 विकेटी घेतल्यो. ग्लेडियर्टस 122 धांवड्यांत बाद जाले. देवन कुमारान 31 धांवड्यो केल्यो आनी आदित्य सूर्यवंशीन 4 विकेटी घेतल्यो आनी तो मॅन ऑफ दी मॅच थारलो. ताका हो पुरस्कार श्रावण दुभाषीन भेटयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
