भांगरभूंय | प्रतिनिधी
भांगरभूंय । प्रतिनिधी
बोरयेः नायल, बोरये स्पोर्ट्स क्लब आनी शिरोडें पंचायत आयोजीत टी-20 सर्तींत बेतोड्याच्या बीएनसीसी आनी नागेशी युथान फुडले फेरयेंत प्रवेश केलो. बीएनसीसीन कुंकळ्ळी सुपर किंग्ज आनी नागेशी युथान मारुती स्पोट्स क्लबाक हारयलें.
काराय-शिरोडेच्या मैदानार सकाळीं आनी दनपारां दोनूय मॅची जाल्यो. कुंकळ्ळी सुपर किंग्जान टॉस जिखून बॉलींग घेतली. बीएनसीसीन 20 ओव्हरींत 5 आवट 132 धांवड्यो केल्यो. शेखर बेतोडकार 30, जग्ननिवास पाटील 53, राहुल पाटीलान 26 धांवड्यांचें योगदान दिलें. विपुल कालेकारान 22 धांवड्यांत 2 आनी सप्नेश देसायान एक विकेट घेतली.
132 धांवड्यांचो फाटलाव करतना कुंकळ्ळी सुपर किंग्सान बीएनसीसीन 131 धांवड्यांचेर आडावन एके धांवडेन जैत मेळयलें. विकी कुंकळ्ळीकारान 26, स्वप्नेश देसाय 22, योगेश नायक 47 आनी विपुल कालेकारा 18 धांवड्यो केल्यो. बीएनसीसीच्या सर्वेशान 22 धांवड्यांत 2 आनी राहुल पाटील, शेखर, आनी संदेशान दरेकी एक विकेट घेतली. बीएनसीसीच्या ज्गनिवास पाटील हाका मॅन ऑफ दी मॅच पुरस्कार फावो जालो.
दुसरे मॅचींत मडगांवच्या मारुती क्लबाचेर नागेशी युथान 2 विकेटींनी जैत मेळयलें. मारुती क्लबान पयली खेळून 20 ओव्हरींत 8 आवट 138 धांवड्यो केल्यो.तांच्या अखिल गांवकारान 46 रोशन नायकान 28 आनी कौशल्य सिंगान 18 धांवड्यो केल्यो. उदेश राननाथकार आनी मुकूंद बांदोडकारान दरेकी दोन विकेटी घेतल्यो. सचीन कुर्पासकार, शुभम देसाय दरेकी एक विकेट घेतली
नागेशी य़ुथान 19 ओव्हरींत 8 विकेटी वोगडावन 139 धांवड्यो करून जैत मेळयलें. तांच्या केदार नायकान 53 धांवड्यो केल्यो जाल्यार सचीन कुर्पासकारान 23, मयुर तिळवेन 21 आनी सप्रेश मुळवीन 16 धांवड्यो काडल्यो. अक्षय जोगळेकार, रोशन नायक आनी रोहीत नायकान दरेकी दोन विकेटी घेतल्यो. केदार नायक मॅन ऑफ दी मॅच थारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
