भांगरभूंय | प्रतिनिधी
भांगरभूंय । प्रतिनिधी
फोंडेंः दावकोण- धारबांदोडेच्या रवनाथ स्पोर्ट्स क्लबाचे 17वे क्रिकेट सर्तींत गवळवाडा- निरंकालच्या संयुक्त पंगडान साकोड्डेच्या टी- बॉयज पंगडाक हारोवन सर्तीचो वस्ताद थारलो. सर्तींतो मॅन ऑफ दी सिरिज आनी उत्कृश्ट बॅट्समन म्हणून प्रथमेश नायक आनी बॉलर म्हणून ऋषिकेश हांका इनामां दिलीं.
थळावो पंच वांगडी गुरू गांवकाराचे हस्तुकीं इनामां भेटयली. ह्या वेळार पंच वांगडी रमाकांत गांवकार, क्लबाचो अध्यक्ष रामदास गांवकार माचयेर आशिल्लो. सर्तींत 20 पंगडांनी वांटो घेतिल्लो. गांवगिऱ्या वाठारांत क्रिकेट सर्ती जावपाक लागल्ल्यान क्रिकेट खेळगडे तयार जावपाक मजत जातली अशें गुरू गांवकारान सांगलें जाल्यार गांवगिऱ्या वाठारांनी जावपी खेळां सर्तीनी तरणाट्यांनी वांटेकार जावंन बरे खेळगडे जावपाचो यत्न करपाक जाय अशें रमाकांत गांवकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
