भांगरभूंय | प्रतिनिधी
भांगरभूंय । प्रतिनिधी
माशेलः उजो प्रतिबंदक जाग्रुताय सप्तका निमतान पोरणे गोंयांल्या उजो पालोवपी दलाच्या कार्यालयान वतीन कुमारजुवें मतदारसंघांतल्यो शिक्षणीक संस्था, आस्थापना, भलायकी केंद्र आनी गांवांनी उजो लागचो न्हय तशेंच उजो लागल्यार कितें करपाचें हाची प्रात्यक्षिकां दाखयलीं. कार्यालयाचे अधिकारी रवी नायक हाच्या फुडारपणा खाला जवानांनी प्रात्यक्षिकांत वांटो घेतलो.
मडकयकार नवचैतन्य हायस्कूल, पीडीए कॉलनी खोर्ली, कुमारजुवें पंचायत, अॅटलास फिशरीज धावजी, पेरणे गोंय पंचायत, खोर्ली भलायकी केंद्र, मंडूर प्राथमीक भलायकी केंद्र, फनस्कूल इंडिया कंपनीत प्रात्यक्षिकां दाखयली. तातूंत आर डी परब, पांडुरंग काणकोणकार, रोहित फडते, राजेश मळीक, राजेश च्यारी, तेजस विराज आनी मोहम्मद हे अधिकारी आनी फायर फायटरांनी वांटो घेतलो
उजो पालोवपी कार्यालयान दाखयल्ल्या प्रात्यक्षिकां खातीर लोकांनी खोस उक्तायली. फुडाराक अश्यो कार्यावळी आयोजीत करून उज्या विशीं लोकां मदीं सादूरताय बाळगुवपाची जाग्रुताय करची अशी लोकांनी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
