भांगरभूंय | प्रतिनिधी
भांगरभूंय । प्रतिनिधी
काणकोणः काणकोण मामलेदार कार्यालयाच्या एके कुडीक मंगळार फांतोडेर उजो लागून थंयआशिल्ल्या फायलींचो गोबोर जालो. शॉर्ट सर्किटाक लागून उजो लागपाची शक्यतात मामलेदार मनोज कोरगांवकार हांणी उक्तायल्या.
कुडींत आशिल्ल्या फायली तशेंच एक पंखो आनी टेबर लासलें. ‘सागर कवच’ मोहीम सुरू आशिल्ल्यान ताच्या कामाची जापसालदारी मामलेदार कार्यालयांतल्या शिवानंद कुडतरकार आनी नारायण गांवकार हांकां दिल्या. ते मंगळारा सकाळीं 6च्या सुमाराक कार्यालयांत आयले तेन्ना तांकां एके कुडींतल्यान धुंवोर येता तें दिसलें.
तांणी दार उक्ते करून पळयल्यार फायलींक उजो लागल्ल्यांचें तांकां दिसलें. वीज पुरवण बंद करून तांणी वॉश रुमांतलें उदक हाडून उजो पालयलो. कार्यालयांतली लायट परत परत वता अशें सोमाराक मामलेदार कार्यालयान काणकोणच्या वीज कार्यालयाक कळयल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
