भांगरभूंय | प्रतिनिधी
फातोर्डा वॅटरन्सान बेताळभाटी कला मोगी वॅटरन्स करंड फुटबॉल सर्तीचें वस्तादपण जोडलें. बेताळभाटी पंचायतीच्या मैदानाचेर जाल्ले फायनलींत ताणें नावेली वॅटरन्साक 8-7 अशा फरकान टायब्रेकरांत हारयलो.
नावेली वॅटरन्सा वतीन सुखदेव अरवाडेन दोन जाल्यार रिकार्डोन एक गोल केलो. फातोर्डा वॅटरन्सा वतीन रोझारियो कार्व्हालोन हॅट्रीक केली.
टायब्रेकरांत फातोर्डा वॅटरन्सा जैत जोडलें. इनामां भेटवण सुवाळ्याक मुखेल सोयरे म्हणून आदले आमदार मिकी पाशेको उपस्थीत आशिल्ले.
वैयक्तीक इनामांः रोझारियो कार्व्हालो (फायलींतलो खेळगडो, फातोर्डा वॅटरन्स), आव्हेर्तान फुर्तादो (उत्कृश्ट गोलकीपर, नावेली वॅटरन्स), युनाटेड क्लब ऑफ सुरावली वॅटरन्स (शिस्तीचो क्लब).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
