भांगरभूंय | प्रतिनिधी
भांगरभूंय । प्रतिनिधी
सावयवेरेंः सावयवेरें हांगच्या मदनंत क्रिकेट क्लबाच्या भांगरा महोत्सवी वर्सा निमतान कला आनी संस्कृती खात्या वतीन बुधवार 26 तें आयतार 30 एप्रील मेरन सावयवेऱ्यांचे पात मैदानार नाट्य महोत्सवाचें आयोजन केलां. रांती 7.30 वरांचेर नाट्य प्रयोग जातले.
बुधवार 26 एप्रिलाक श्री पांडुरंग ब्रम्हेश्र्वर मंडळ – आखाडा -कुमारजुवें हाचें संगीत ययाती देवयानी ह्या नाटकाचो प्रयोग जातलो, बिरेस्तार 27 एप्रिलाक रसरंग उगवे निर्मीत कला अकादमीचे अ गट मराठी नाटक सर्तींत तशेंच महाराष्ट्र शासनाचे नाट्य सर्तींत पयलें इनाम फावो जाल्ल्या ईनफिल्ट्रेशन ‘ नाटकाचो प्रयोग जातलो. शुक्रार 28 एप्रिलाक कला चेतना- वळवय हांच्या ‘ काणी नव्या युगाची’ नाटकाचो प्रयोग जातलो. शेनवार 29 एप्रिलाक श्री सिद्धनंदन थिएटर प्रस्तुत ‘ इथे ओशाळला मृत्यू ‘ हो नाट्यप्रयोग जातलो. तातूंत कला आनी संस्कृती मंत्री गोविंद गावडे हे संभाजी म्हाराजाची भूमिका करतले. आयतार 30 एप्रिलाक अंत्रुज घुडयो बांदोडा निर्मित कला अकादमीचे कोंकणी नाट्य सर्तींत तिसरें इनाम फावो जाल्ल्या ‘ हिडिंबा ‘ नाटकाचो प्रयोग जातलो.
——————————————–
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
