भांगरभूंय | प्रतिनिधी
रमजान हो म्हयनो उपासा खातीर लोकप्रीय. पण हाची विशेशता म्हणजे कुराणाचें अवतरण. ह्या इंदूल फितर दिसा चला जाणून घेवया कुराण मानवजातीक कितें शिक्षण दिता तें. जाका लागून खऱ्या अर्थान ईद मानवी जीवनात रंग भरूं शकता.
कुराणांत अनेक अध्याय आसात. वेगवेगळ्या अध्यायान वेगवेगळे मंत्र, तातूंत एकेश्वरवाद, पैगंबरी, प्रलय, परलोक अवस्था आनी परलोक जीवन तथा सांसारिक, समाजीक वेवस्था, नैतिकता, शरिया, आदल्या काळाच्या लोकांची आनी पैगंबरांची कथा. तांचे पसून मेळिल्लें ज्ञान आसा.
कुराण लोकांक आवाहन करता की तुमी दोळे बंद करून न्हय तर विचार करून ताचेर आपलें मत मांडात. कुराण अंधविस्वास जल्माक आयलो ताचें अनुकरण करपा बदला आपल्याक दिल्ल्या बुद्दी, चिंतनांन प्रत्येक गोश्ट समजून घेयात अशें म्हणटा.
कुराणाचे सुरवेक सुरा आसात. फातेहा नांवाच्या अध्यायान एक दुआ आसा जी आमकां अल्लाह वा जाका ईश्वरुय म्हणटात, ताचे कडेन प्रार्थना कशी करची हें समजावन दिलां. हातूंत अल्लाह/ ईश्वराची स्तुती केले उपरांत ताचे कडेन सत्य मार्ग दाखोवपा खातीर प्रार्थना करतात.
अल्लाह/ ईश्वरान कुराणांत वेगवेगळीं उदाहरणां दिवन सांगलां की तुमचे खातीर पुज्यनीय फक्त एक अल्लाह/ ईश्वर आसा. ताचो परिवार ना, तो एकलो. ताचें कोण संतान वा वांगडी ना. तोच आमचो पालनहार, दाता आनी ह्या जगाचो शासक.
कुराण सांगता तुमी त्याच एक अल्लाह/ ईश्वराचीच उपासना करात, ताच्या आदेशाचें पालन करून, ताचे आज्ञाकारी बंदे आशिल्ल्याचें प्रमाण दियात, ताचे पसून आपल्या गरजांची मागणी करात. कारण तोच श्रुष्टीचो रचयता आसा. कुराण सांगता की हें सगळें जर त्या सर्वशक्तिमान ईश्वर, अल्लाहाचें देणें आसा, तर ताका सोडून आमी दुसरो आधार कित्याक सोदतात? कित्याक अशां कडे हात पातळटात जे स्वतः दुसऱ्यांचेर अवलंबून आसात?
आमच्या जीवनाचो अणभव आसा की हे धरतरेचेर सगळ्या लोकां कडल्यान घडिल्ले बरे वा वायट क्रम. तांचो परिणाम ह्या सगळ्यांचो पूर्णपणान हिशोब ह्या जीवनांत संभव ना. म्हणूनूच अश्या एक प्रसंगाची गरज आसा जेन्ना सगळ्या मानवजातीचो पूर्ण हिशोब जावन सगळ्यांक आपल्या सगळ्या कर्मांची संपूर्ण भरपाय मेळटली. ख्यास्त वा पुरस्कार.
नैतिकता/ शरियत / नियम
नझराना दरवेश
8975074456
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
